តើវាដំណើរការបែបណា

• ចូរស្វែងរក វេបសាយនេះ ហើយនិង channel របស់យើងដើម្បីឲ្យបានស្គាល់ធនធានរបស់យើង។ សូមបញ្ជាក់ថា យើងមានបញ្ចីរមេរៀន ដែលអាចជួយអ្នកផ្ដោតទៅលើមេរៀននិងការប្រលងខ្លី។
• ចូរបង្កើតគម្រោងមេរៀន សម្រាប់ការមើលវីដេអូ ទោះជាតាមរយៈការសិក្សានៅក្នុងថ្នាក់រៀន ឬ ការសិក្សាផ្ទាល់ខ្លួននៅផ្ទះ។ នេះគឺជាការណែនាំអំពីកាលវិភាគសិក្សា ដែលយើងបានរៀបចំឡើងជាគម្រូសម្រាប់អ្នក។ ការសិក្សាភាសាហេព្រើរជាមួយវីដេអូរបស់យើង មិនតម្រូវឲ្យមានសៀវភៅមើលជាមួយនោះទេ។ បើអ្នកចង់ប្រើប្រាស់ អ្នកអាចប្រើបាន តែវាជាជំរើសរបស់អ្នក។ ជាមួយគ្នានេះផងដែរ យើងបានសរសេរមេរៀនវេយ្យាករណ៍ដែលត្រូវនឹង វីដេអូនិមួយៗ សម្រាប់អ្នកដែលចូលចិត្តវេយ្យាករណ៍ ឬក៏មានអារម្មណ៍ថា ពួកគរត្រូវការជំនួយបន្ថែមនៅផ្នែកណាមួយ។ មេរៀនវេយ្យាករណ៍នេះ ក៏ជាជំរើសមួយដែរ។ ពួកវាមិនអាចជួយអ្នកឲ្យចេះនិយាយរលូន ប៉ុន្តែវាអាចជួយយើងក្នុងករណី ផ្សេងបាន។
• ចូរហាត់និយាយពាក្យនិង ឃ្លាឲ្យឮៗ វានឹងជួយឲ្យអ្នកចងចាំវានៅក្នុងចិត្ត។ ចូរមើលវីដេអូឲ្យបានច្រើនដង រហូតដល់អ្នកអាចយល់វាបានច្បាស់ជាង។
• ចូរធ្វើចិត្តឲ្យស្រួលទោះបីជាអ្នកមិនសូវយល់ មានន័យថា មិនអីទេ បើសូវមិនច្បាស់។ ក្មេងៗក៏រៀនបែបហ្នឹងដែរ។
• កុំរំលងវីដេអូប្រឡង ដែលបានផ្តល់ឲ្យពីរបីមេរៀន ការនេះវាផ្ដល់ឱកាសឲ្យអ្នកក្នុងការហាត់ និងពិនិត្យមើលខ្លួនឯង។ អ្នកនឹងប្រហែលជាភ្ញាក់ផ្អើល ពីអ្វីដែលអ្នកបានរៀនចេញពីវីដេអូពីរបីដំបូង! ទោះបីជាអ្នកមិនអាចចងចាំពាក្យទាំងអស់នៅលើការប្រឡងខ្លីក៏ដោយ កុំបារម្ភឡើយ! ប្រសិនបើអ្នកអាចឆ្លើយសំណួរ ដោយការចងចាំបាន នោះពិតជាអស្ចារ្យហើយ ប៉ុន្តែអ្វីដែលសំខាន់បំផុតនោះ គឺថាអ្នកចេះស្គាល់ និងយល់ពាក្យទាំងនេះ។
• ត្រូវប្រាកដថាមើលមេរៀនតាមលំដាប់លំដោយ ពីព្រោះមេរៀននីមួយៗយើងកំពុងបង្កើតអ្វីដែលនឹងរៀននៅមេរៀនបន្ទាប់ ហើយយើងបានសន្មតថាអ្នកធ្លាប់ស្គាល់ពាក្យ និងវេយ្យាករណ៍ដែលបានបង្ហាញនៅក្នុងវីដេអូមុនរួចហើយ។ អ្នកអាចមើលមេរៀនតាមលំដាប់លំដោយបានយ៉ាងងាយស្រួល ដោយប្រើបញ្ជី (Youtube playlist) នេះ។

យើងក៏មានសេចក្ដីណែនាំបន្ថែមទៀត នៅក្នុងវីដេអូខាងក្រោម!